Fjölskyldan á Brúnum samanstendur af Einari Gíslasyni myndlistarmanni og kennara og Hugrúnu Hjörleifsdóttur hjúkrunarfræðingi en saman eigum við tvíburana Þórhildi og Guðbjörgu. Einnig tilheyra fjölskyldunni tíkin Gríma og kötturinn Brandur. Einar starfar sem myndmenntakennari við grunnskólann á Hrafnagili ásamt því að sinna myndlistinni og búskapnum. Hugrún er gjörgæsluhjúkrunarfræðingur og fræðslustjóri hjúkrunar á FSA  ásamt því að starfa sem hjúkrunarfræðingur við Hrafnagilsskóla.